1.- Nkolo yamba loyembo la nga
Libonza ya moto asimbami na yo
N'azali elémbo ya bolingo bua yo
Mokonzi ya bomoi na ngai
Otika likolo polele Másiya
Po tomona nkémbo pe nguyá na yo
Ozali lisimba ya mayi ma lobiko
Yo Nkumu ya ba nkumu banso
Choeur 1: Y'Ozali bopemi bua ngai
Bipayi nakotika mikumba mia ngai
Ozali solo likonzi lisímbi ndako
Masiya na ngai
Y'Ozali lokumu la ngai
Bipayi nakosímba soki na lembi
Ozali bipayi nakitisaka motéma
Másiya na ngai
2.- Ozali nzete ya bolingo Masiya
Nakati y'elanga ya motema na ngai
Epesa fololo ya malasi kitoko
Na miso ya Nzambe na bule
Opesa bokono nkombo ya lobiko
Obenga liwá na nkombo ya mpongi
Po'ete lisekwa ezali yo Masiya
Mokonzi ya bakonzi banso
Choeur 2: Na sopi motema na ngai
Libosó ya kiti ya ngolu na yo
Po'ete lobiko na ngai ekowuta na yo
Masiya na ngai
Kitisa nguya na yo Nkolo
Awa tokobelela nkombo na yo
Lakisa biso nkembo pe makasi na yo
Nzambe na nguya
3.- Yamba maloba ya motema na ngai
Mosopani liboso na yo mosantu
Na zongisa nkémbo pe lokumu na yo
Yo nzéla pe bomoi ya suko
Ata molili ya mokili eyindi
Mwinda na yo moko ngengisa nzela na ngai
Oyo asimba ngai loboko ezali yo
Mokonzi ya bomoyi na ngai
