sie säged ihr zwei seiged magisch gsi
sie säged ihr heiged alles überstrahlt
aber d'zit heb viles kompliziert gmacht
und s'komplizierte
het eu schliesslich usenand bracht
ich gsehn eu uf dem alte staubige polaroid
us de lang vergangne gmeinsame zit
arm in arm i de silvesternacht
spiled carambole und de ganz tisch lacht
eui fründe sitzed da
mit ihrne hornbrille und lange haar
ihr zwei schined glücklich z'si
uf dem alte polaroid
us de lang vergangne zit
ich wünscht ich wär debi gsi
i eim vo vilne albe uf em gstell
wo jedes bild vo eure gschicht verzellt
det hani's gfunde uf de letschte site
halb vergilbt und matt niemer het's igchläbt
ich gsehn eu uf dem alte staubige polaroid…
hüt bini glich alt wie ihr dazmal
und dänke vil a eui letscht dezembernacht
händ ihr zäme tanzet händ ihr zäme gsunge?
händ ihr enand bim carambole je emal la gwünne?
ich gsehn eu uf dem alte staubige polaroid…
