حبني أو حب غيري صرت في عمري خيال
قانعه و اعرف مصيري مالي بقلبك مجال
كاذبٍ انت أو صريح ما يصح إلا الصحيح
لا تغش روحك و روحي لا تخون الصدق لا
انا بتحمل جروحي هذي ماهي مشكلة
القوي ما تهزه ريح و ما يصح إلا الصحيح
ادري حبيتك و حبي من طرف واحد فقط
كنت أعاند فيك قلبي و أجبره و هذا غلط
يوم انا شفته جريح ما يصح إلا الصحيح
أنا ما أعلن عنادي لا ولا ابدي غرور
بس صار الامر عادي غيبتك مثل الحضور
قلت أبعد و استريح و ما يصح إلا الصحيح
