يا الله
كان نفسي اعيش طفولة
من صغر سني بشتغل بتنطط من شغلة لشغلة لحد سن الفحولة
ما انا اصل عيلتي اتفككت بدري ومش بيدي عيشت فيلم دراما طويل خدت فيه دور البطولة
بقيت راجل البيت عندي 12 سنة
يارب اقدرني اوري امي ايام هنا
شغلى فى طفولتى نشفلى عضمي تمام
تشهد نوادي الفيديو وسوق القلعة والحمام
سوق الجمعة اللى اتعلمت منه ياما
دروس فادتني وهتفيدني لحد يوم القيامة
الدنيا صراع في صراع
كله بياكل في كله
ومعنى الطيبة ضاع
اشكي لمين واقوله
الدنيا مالها قلبت غابة
الارنب فيها مالوش مكان
والغلابة بس للديابة
لو سلمت دماغك للفكرة هتعيش كئابة
اقولك ع اللى يخلي الفكرة تمر مرور سحابة
اسمع
دوام الحال من المحال
صدقني بكرا الشمس تطلع مهما ليلك طال
مهما مراكبك عطلت وقفت ما تكتئبش
سيبها على الله واتوكل صدقني بكرا تمشي
طرقت باااااااابك يا .
الله
رزقه اتقطع او رزقها
اتصدي لنار مش قدها
ودعت ناس من كل قلبك كنت تحبها ؟
في دور مسير مش بيدك ولا بيدها
كل اللى في ايدك تسعى وتدعى ربك . فكها
هو الوحيد اللى في ايديه مفتاحها وحلها
مش ممكن ابدا هيضيع جهدك او جهدها
ولو حسيتها قفلت وهمومك كترت عليك
ما تقولش ربي غضبان يمكن من حبه فيك
قفلها جامد عاوزك تفتكره اصلك نسيت
لو مش بيحبك كان سابك ما كان خلاك صحيت
عاوزك ترجعله اصلك وحشته . وتقول يارب
ربك عظيم مجيب كريم ما بيرفضش الطلب
بس انت روحله خطوة . هجيلك خطوتين
خلق مفهوم الرحمه واسمه رحمان رحيم
كله بيعدي العمر بيجري اسرع من النسيم
سلمله امرك واتوكل وارضى هتدوق نعيم
طرقت باااااااابك يا .
الله
