فى يوم والشمس طالعة
بألوانها الرقيقة ولمستها الدهب
هامسك ايدك وهاخدك لبيت ابيض صغير
فى احضان الجبل
البيت ده فيه اتولدت وعلى بابه كبرت
واتعلمت انى اغنى اول غنوة دافية زى شمسنا
زى قلوب الصبايا اللى فى حينا
والالوان البريئة على ابواب بيوتنا
على الجدران بتحكى ان الكون اتولد
فى بيت مصرى صغير
فى احضان الجبل
ضوء الفجر خافت بيرسم المعانى
من بعد ليل طويل
والنيل امواجه تصحى وتحكى ذكرياتها
من للاشجار للنخيل
وانا الطفل الصغير لكن بسمع وافكر
حسيت فى كل لحظة
انى حاضر وذكرى وجزء من المكان ده
وانى مش وحيد
وفى يوم والشمس طالعة
بألوانها الرقيقة ولمستها الدهب
هامسك ايدك وهاخدك لبيت ابيض صغير
فى احضان الجبل
الزمن راكع هناك بيهمس للجمال ما تكون حجر
اتكلم يا حبيب
لكن صمته الجميل سنين ورا سنين
وجيل من بعد جيل فضل حى فى ملامحى
فى ضميرى فى ابتسامتى
فى نظرتى لبكره وحبى للحياة
وفى يوم والشمس طالعة
بألوانها الرقيقة ولمستها الدهب
هامسك ايدك وهاخدك لبيت ابيض صغير
فى احضان الجبل
البيت دى فيه اتولدت وعلى بابه كبرت
واتعلمت انى اغنى اول غنوة دافية زى شمسنا
زى قلوب الصبايا اللى فى حينا
والالوان البريئة على ابواب بيوتنا
على الجدران بتحكى ان الكون اتولد
فى بيت مصرى صغير
فى احضان الجبل
