Harba - Balti feat. Ameni Souissi

حكومة وتشش كيف كيف ما عندناش ثيقة

شفنا الوسخ في تونس يتغطى بتصفيقة

برشة قضايا هوني تتغطى بتلفيقة

تونس بلاد جعالة مرهونة في وريقة

يحبوك مصهمم هوني ما تشوفش لحقيقة

يحبوك مخدر كابس داڨڨ الزوريقة

تخدم تسكت تسكر و تروح شوليقة

تحشالك وسع بالك و أسمع الموسيقى

تكلم تاكل الكف متراك تشلبيقة

تنحي مريولك فالحومة توفى تخربيقة

بوليس يتبلى عليك صنع منك خليقة

توفى دبوزة ڨاز في بدنك حريقة

العمر عدا ڨدامك و أيامك دقيقة

تلوج عالحب لا لڨيت شفة لا تعنيقة

التشش في تونس تضوي على ليبيا الشقيقة

تحب تقطع من هوني تونس إلى اللقاء

تلوج عالهربة لڨيت روحك تكستازي

حبوب حبوب حبوب هارب مالكوازي

الشعب مدبرم شطرها دخلت للرازي

يحبوني مهبول مخلبز في راسي

صنعوا منك جهادي في راسك كاميكازي

يحبوك تهاجر لحلب وبنغازي

يحبوك شاڨڨ لبحور غارق في بالانصي

ضايع في الغربة على الطليان ...

تجي تخمم يا حومة خيوطك تماسي

يحبوك بكوش تتكلم تباصي

ما يحبوك تصلي و ما يحبوكش عاصي

تونس بلاد عتب ، مرزوڨي و نواصي

هوني لا لقيط مستقبل لا حاضر لا passé

قلمي وفالو الحبار و دبلومي قرطاسي

البطالة و الهم لا حركة لا كومباسي

نلوج عالهربة وين و يزي ما نقاسي

ضايع تلوج عالهربة وين

ضايع ماكش عارف وين

ضايع شيخة و هانا ناسين

ضايع قلي وين ماشين ؟

يحبوك شيخة إنتحار

لا تسمع لا تبع أخبار

خدروك شروك باعوك

و رخسوك كيما الدينار

بلادي دولة قمار

طحنا و طلع الدولار

باعولك الشيخة و غيبوك

تتحنط لين تنفض الغبار