فتحت التليفزيون كالعادة نفس الكلام
الفن دمه تقيل زيه زي الاعلام
اللي عامل فنان و اللي عامل مثقف
والجمهور كالعادة بيعمل زيطة ويصقف
بيعلموك ازاي تحب وتكره
بيزرعوا في نافوخك اي فكرة
والغسالة شغالة ليل نهار
تغسل عقول الناس وتلوث الافكار
فتحت التليفزيون كالعادة نفس الكلام
الفن دمه تقيل دمه زيه زي الاعلام
اللي عامل فنان واللي عامل مثقف
والجمهوركالعادة بيعمل زيطة ويصقف
التليفزيون هو اللي سايق.
ياخدك بعيد ويجيبك ويخلى عقلك غايب
التليفيزيون هو اللي سايق
سايق ياخدك بعيد ويجيبك ويخلى عقلك غايب
ومذيع التوك شو بيهرج زي البلياتشو
مع الفنانة ذات الاحساس اللي بتحب كل الناس
هي هي نفس الحدوتة طنط تعمل دور بنوتة
نفس السيناريو نفس الحوار
مكتوب علينا غصب واقتدار
والاغاني مش عجباني
ولا فيها كلام ولا فيها معاني
نفس الاصطنبة زي الافلام والمسلسلات
صدر وورك و رقصة على مزيكا المهرجانات
التليفزيون هو اللي سـايق
يأخدك بعيد ويجيبك و يخلًى عقلك غايب
التليفزيون هو اللي سـايق
يأخدك بعيد ويجيبك و يخلًى عقلك غايب
محلل استراتيجي خارج من فيلم اكشن
ليل نهار علينا عمال بيكتشن
عايش في مغامرة كل حاجة مؤامرة
قآل ايه 25 مكنتش ثورة
والمذيع طبعاً شغال على الصورة
شغلته يلمع وتبروز الصورة
بيتاجروا بأي حاجة معدية
مرة بالدين ومرة بالحرية
التلفزيون هو اللي سـايق,,
يأخدك بعيد ويجيبك ويخلًى عقلك غايب
التلفزيون هو اللي سـايق,,
يأخدك بعيد ويجيبك ويخلًى عقلك غايب
والناس في بعض عمالة بتقطع
والجهل على الشاشة ساطع
قفلوا البرنامج من قبل ما يبدأ
اصل الحقيقة بتوجع وبتحرق
النكتة كانت عجباهم امبارح
بس النهاردة الوضع مش سامح
ولو كلامك منطقى او ليه معنى
هيقولوا عليك عميل ومش تبعنا
