Nun 'a penzo proprio cchiù - Gigi Finizio

Quanta vote mme 'ncuntrate,

sempe 'o ssolito parlá!

Io giá saccio 'sta 'mmasciata...

chi ve manna... è chella llá!

Mme dicite ca Maria,

senza 'e me, ne pò murí?!

Io cunosco 'a malatia:

nun 'a voglio cchiù sentí...

Mme facite nu favore?

Si 'a 'ncuntrate lle dicite

ca mm"a sóngo giá scurdata:

nun 'a penzo proprio cchiù...

Si po' chiagnere 'a vedite

cu chill'uocchie 'e santitá...

io ve prego, nn"a credite:

chella è tutta 'nfamitá!...

Mo s'è fatta santarella:

se va spisso a cunfessá...

E 'sta bona bizzuchella

pure 'e Sante vò' 'nganná...

Ma stu core ch"ha chiagnuto

tanta e tanta 'nfamitá,

ll'aggio dato a Dio pe' vuto

ca mm"ha fatto giá scurdá...

Mme facite nu favore?

...

Per finire:

V'aggio ditto na buscia,

mo ve dico 'a veritá:

Chella è tutta 'a vita mia

si fa pure 'nfamitá!