طعم البعد صبار
والغربة ليل بهتان
يا قلبي يا موجوع
إياك تكون قلقان
لو طالت المسافات
أنا والأمل إخوات
وتالتنا كان الليل
ده أنا ليّا فيها النيل
وليها فيّا الروح
ماخترتش إني أروح
مانا جوعي كان كفران
ملعون أبوك يا طموح
أخرك تشوفلي كفيل
لكني مش قلقان
تذكرتي رايح جي
طعم البعد صبار
والغربة ليل بهتان
يا قلبي يا موجوع
إياك تكون قلقان
أنا مش في بلدي عويل
لكني مش بتشاف
زهرة سنيني عجاف
مع إن ليّا عزيز
إفتوني في رؤياي
لمّوا الأماني إزاي
حطّوها ع الباسبور
أحلامي صبحت بور
ممنوع عليها الضي
لكني مش قلقان
تذكرتي رايح جي
البعد عنك خوف
وانا ع الرجوع ملهوف
لكن هعود ازاي
ومكاني كله ضيوف
يا قلبي يا موجوع
يا أهه حاضنة دموع
حب البلد بيعيش
لما يموت الجوع
يا حضن بيساعني
واحتجت له وباعني
ساعة ما مدّ إيديه
شاور وودّعني
لكني مش قلقان
تذكرتي رايح جي
