اصحى يا نايم اصحى يا نايم وحّد الدايم
مسحّراتي من أهل بلدك
جايلك يصحصح قلبك وبدنك
جوايا فكرة بتزوق فكرة
و أمل ينادي على شمس بكرة
اصحى يا نايم وحد الدايم
رغم إنه متسلسل إبليس و متقيّد
بيبقى في نفوس ناس يحكم و يتسيّد
ويستغلّ طابور و إشارة مقفولة
و يعكّر الكلمة لو خارجة معسولة
يزحمنا في قلوبنا منسعش بعضينا
نخسر في أعمالنا و صيامنا بإيدينا
بكلمة تجرحنا قبل ما تجرح حد
لازم بقى نعقل لازم بقى نعقل معنى صيامنا بجد
اصحى يا نايم وحّد الدايم
رمضان كريم
كلمات: سامح خيري
ألحان وتوزيع: حمزة نمرة
