اصحى يا نايم اصحى يا نايم وحِّد الدايم
مِسحّراتي من أهل بلدك جايلك يصحصح قلبك وبدنك
جوايا فكرة بتزوق فكرة و أمل ينادي على شمس بكره
اصحى يا نايم وحِّد الدايم
ما بين كلام في الجد و شويّة هزار
يفضل صيامنا معنى لكلمة عايمة
يا إما تغرق منّنا في قلب القرار
يا إما ترُوح للبرّ التاني صايمة
صيامنا ماهوش حرق لساعات إنتظار
وناس بتقضّي نصّ صيامها نايمة
صيامنا ناس في الشمس بتصوم و في عزّ النهار
و بتحيي ليلها لربّها قايمة
اصحى يا نايم وحّد الرزاق
رمضان كريم
كلمات: سامح خيري
ألحان وتوزيع: حمزة نمرة
