اصحى يا نايم اصحى يا نايم وحِّد الدايم
مِسحّراتي من أهل بلدك جايلك يصحصح قلبك وبدنك
جوايا فكرة بتزوق فكرة و أمل ينادي على شمس بكره
اصحى يا نايم وحِّد الدايم
لمَّا العطش بيزيد ساعة نهار رمضان
وتلاقي تلجاية تغطَس في كوبّاية
عمّالة تتنطّط قدامنا في الإعلان
تعالى نستغفر لذنوبنا و نكبّر
نمسك كتاب الله نقرأ و نتدبّر
نلاقي ذكر الله لينا بيروينا
و كأنّ نهار النيل في عُرُوقْنا يسْقِيْنَا
اصحى يا نايم وحّد الرزاق
رمضان كريم
كلمات: سامح خيري
ألحان وتوزيع: حمزة نمرة
