اصحى يا نايم اصحى يا نايم وحّد الدايم
مسحّراتي من أهل بلدك جايلك يصحصح قلبك وبدنك
جوايا فكرة بتزوق فكرة و أمل ينادي على شمس بكرة
اصحى يا نايم وحّد الدايم
رمضان في بيتنا ليه علامَة مصحف و حاضن إمساكية
تشهد عليّا يوم القيامة و معلمة لي الصفحة دية
وصوت أبويا قبل الفطار و هو ماسك مصحفه
وطرحة أمّي بلون خضار و صوت دُعَاهَا بنعرفه
و إخواتي لما يسبقوني بختمة ، ما تحسدهم عيوني
و أفرح قوي لما ينادوني و يسألوني في الآية دية
لو كل دنيتنا اختبار يبقى رمضان الهِديّة
اصحى يا نايم وحّد الدايم
رمضان كريم
كلمات: سامح خيري
ألحان وتوزيع: حمزة نمرة
