اصحى يا نايم اصحى يا نايم وحّد الدايم
مسحراتي من أهل بلدك
جايلك يصحصح قلبك وبدنك
جوايا فكرة بتزق فكرة
وأمل ينادي على شمس بكرة
اصحى يا نايم وحّد الدايم
مش قادر أنسى ساعة العصاري
أنا و ابن عمّي وصاحبي وجَاري
وكام ماتش كورة في ناصية حارتنا
وريحة الفطار بتحضن في بيتنا
وكان يجري ريقنا يسبق خطانا
احنا نسوق الأحلام ورانا
ويسرح خيالنا بين المحمّر
وبين المسبّك و جوة المعمر
وأدان بيدن الله أكبر
ومعاه تلاقي مية إيد تشمّر
اصحى يا نايم اصحى يا نايم وحّد الرزاق
رمضان كريم
