عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول
عن أيّ ربيع بغني عن أيّ ربيع بقول
هالناس يلي عم تسقط هنّ أبريا ومين المسؤول
حلمنا بربيع مزهّر عطرو ينتشر عالناس
طلع الربيع محيّر زهر دم ولاد وناس
بديت بعربية خضرة ولعت ثورة بالميدان
عملوها ثورتنا حمرا تقتل بإسم الأديان
دول كبيرة دخلت فينا بمصالحها السياسية
طار النعس من ليالينا بحورتنا مش محمية
جابوهن من ضيع بعيدة هودي بربر المغول
بقلبن وحشة وعقيدة لا بتتجادل لا بتزول
هدير صواتن اتدفق قالولن انتو مقاتلين
الوطن العربي إلكن خندق لا تفرقو لون ولادين
الشعوب القررت مسارا حقّا تعيش بحرية
لكن الثورة يا خسارة ردّتهن للعبودية
عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول
عن أيّ ربيع بغني عن أيّ ربيع بقول
هالناس يلي عم تسقط هنّ أبريا ومين المسؤول...
حلمنا بربيع مزهّر عطرو ينتشر عالناس
طلع الربيع محيّر زهّر دم ولاد وناس
بديت بعربية خضرة ولعت ثورة بالميدان
عملوها ثورتنا حمرا تقتل بإسم الأديان
عملوها ثورتنا حمرا تقتل بإسم الأديان
ثورة التغيير لتطور مش لترجع لورا
خوفي لهالثورة تأخر وتصيرنا مسخرة
بدّي ربيع يكون أخضر تيبشر بصيف جديد
عملونا الربيع الأحمر رشّونا سلاح وحديد
من خلف الربيع بتسطع شمس الصيف المضوية
بعد الصيف الخريف بيسمع رعد الغيمة الشتوية
حتى بكرة الشتي يطلع يغسل أراضينا الحمرا
ثورة الحياة بترجع بالصرخة الإنسانية
سمّونا الربيع العربي زهّر خريف الفوضى
الغرب خلّى الشعب العربي ما يحرر الثورة بيضا
خوفي ع هالشعب العربي غيرو يحررلو الثورة
ويبقى جاهل متل الصبي يحكم بصفوف الروضة
عن أيّ ربيع بغني عن أيّ ربيع بقول
هالوجع الي طالع مني صرخة من قلبي المشغول
عن أيّ ربيع بغني عن أيّ ربيع بقول
هالناس يلي عم تسقط هنّ أبريا ومين المسؤول
حلمنا بربيع مزهّر عطرو ينتشر عالناس
طلع الربيع محيّر زهّر دم ولاد وناس
بديت بعربية خضرة ولعت ثورة بالميدان
عملوها ثورتنا حمرا تقتل بإسم الأديان
عملوها ثورتنا حمرا تقتل بإسم الأديان
