Luti Musig und brönti Mandle
A de Ständ hange d Liechtgirlande
Sisch Chüeuwind uf
Und ig bi widermau da
Weisch no wo mir da sind gsi
ha Läbchueche klaut für di
Und drfür e Kuss übercho
Es isch no aus gnau so wi denn
Ich bi no da numme du bischs nüm
Und mängisch frag i mi
Wis dir hüt gaht
Wo du jetzt im Läbä stahsch
Wohi dich dini Reis het bracht
Und wieso bisch hüt nid da
Mängisch frag ich mi, wo du jetz bisch
Öb no aus in Ornig isch
Wenn du dini Hand hüt gisch
Mängsich frag i mi
Was us der worde esch
Näbem Schuhus d Stross druf
Stahn ich widermal vor dim Hus
und chlopfe ah
Du bisch nid da
Es wohnt jetz öpper andersch dert
Si heige di o scho lang nüm gseh
Und ds aut Gartetor
giret immer no
Es isch no aus gnau so wi denn
Ich bi no da, numme du bischs nüm
Mängisch frag i mi, wis dir hüt gaht
Wo du jetz i dim Läbä stahsch
Wohi dich dini Reis het bracht
Und wieso bisch hüt nid da
Mängisch frag i mich, muess das so cho
De einti blibt, de ander goht
Und me denkt öb öpper isch
We nur d Erinnrig überig isch
Mängisch frag i mi
Was us der worde esch
