Sa Iyong Pag-aalaga
Maaga pa sa buhay, nagsimula akong mangarap.
Tinuruan mo akong tumanaw lampas sa ulap.
Bawat araw ko'y ligtas, dahil iyong binabantayan.
Magkasukob sa iyong palad, umaraw man o umuulan.
Nang dahil sa ‘yo, natuklasan ko ang aking galing.
Ano man ang gawain ay kaya kong magningning.
Maraming taong bahagi ka ng aking buhay.
Ang bawat araw ay pinupuno mo ng kulay.
Hindi nangangamba, buong-buo ang tiwala.
Sa ‘yong pag-aalaga, buhay ay gumiginhawa.
Nang dahil sa ‘yo, akin na ring nalaman
Na ako rin pala ay may angking kagandahan.
Ano man ang pupuntahan ay ma'ari kong marating.
Ano man ang gawain ay kaya kong magningning.
Maraming taong bahagi ka ng aking buhay.
Ang bawat araw ay pinupuno mo ng kulay.
Hindi nangangamba, buong-buo ang tiwala.
Sa ‘yong pag-aalaga, buhay ay (guminhawa)...
Nang dahil sa ‘yo, natuklasan ko ang aking galing.
Ano man ang gawain ay kaya kong magningning.
(Maraming taong) Bahagi ka ng aking buhay.
Bawat araw ay pinupuno mo ng kulay.
Hindi nangangamba, buong-buo ang tiwala.
Sa ‘yong pag-aalaga, buhay ay gumiginhawa.
Buhay ay, buhay ay gumiginhawa.
