مرحبا بكم في التمرد
م.س.ل.م AKA متمرد
مرحبا بدراري ديالي (متمرد)
كيف ما دايماً (متمرد) حتى الكفن
قشله (متمرد)
موسيقى قتالة
اسمي متمرد مع كل احترامي، انا الضحية و المتهوم و انا المحامي
انا لي كتبت انا لي قلت و الشاهد هو قلامي
انا بوحدي مسؤول على كل حروف كلامي
ما عندي والو من غير راب و هاكدا دايزا ايامي
ماشي ضروري نعيش بزاف اذا كان اسمي يبقى سامي
لا ماضي لا حاضر حتى المستقبل مات قدامي
بقيت ضايع بين زناقي و غير في الحومة دفنت احلامي
في صغري تبليت بالراب ملي كان موسيقى مقهورة
بقيت كنتعمق في بحورها زادت لحياتي مروره
حڭروني شحال من ذكوره ملي كتبت اول سطورا
و اليوم بقاو كيشوفو ولد السوق ولى اسطورة (اسطووورة)
و دابا قولي اش جا ما سكتني
شكون مابغيتي تكون في الكون موحال تبتني
موسيقى ديالي كنآمن بيها و لساني ما عندو حد
من غير الدين و الوالدين ما نعبق بحتى بشي حد
متمرد
حيت ما باغيش نعيش في الدم و الدموع
حيت ما باغيش حياة الفقر و الجوع
متمرد
حيت ما باغيش نبزنس في الممنوع
حيت ما باغيش نكون في الحبس مقموع
متمرد
حيت باغي نعيش راسي مرفوع
حيت باغي نعيش صوتي مسموع
متمرد
حيت باغي نعيش ماشي مخلوع
حيت باغي نموت في التاريخ مطبوع
كان لازم نختار بين السيف و الميكرو
شكون يضرب بعيد شكون حدو غير ميطرو
جبرت بلي السيف غنضرب بيه غير لي بحالي
القبر للمقتول و القاتل في الحبس مكالي
فهمت بلي الميكروفون سلاح يزبر
وظفتو في الخير ولا الشر جرحو بزربا يكبر
و عرفت بلي كيولي منتِف ملي لسان يضبر
حيت شحال من مايك تيتم حيت مولاه غبر
في الاول بديت بدائي قالوا بزربا غادين يقمعوني
عساسين عليا من بعيد كانو يحاولو يمنعوني
قدرت نوصل صوتي للناس بالقلب يسمعوني
ولى عندي جمهور كيتيقو فيا و كيتبعوني
دابا عارفين بلي فات الفوت و وليت خطر
اي كلمه خرجات من فمي نأكد عندها الاثر
باغي نغير الواقع ماشي كنتحدى القدر
و سلاحي غير موسيقى لي قادرا تغير البشر
ابسط الحقوق من اصعب الاحلام
امال الناس معلقة في عناق الاصنام
ردو البال ملي اللسان يعيا بكثرة الكلام
ردو البال ملي ما يبقى مداد في الاقلام
حيت لي ما عندو والو ما عندو ما يخسر
اذا ثار عليك و تمرد ما بقى لك ما تحصر
قالو صبر يضبر، قالو لي صبر يجبر
انا كنشوف الفتنة ماشيا في القبور تحفر
بنادم غير على سبه كيتسناها غير تنوض
اعداء الوطن كاينين دغيا عيبدلو جلود
كنخاف من الثورة، من الثورة العوره
كنخاف من الثورة لي ترجعنا سنين لور
متمرد على حياة الفقر و الدم و الدموع
عنداك تقولي حتا واحد ما كيبات بالجوع
كتظن الكرش لي عمر بالخبز الحافي كرش شبعان ؟
كتظن الا ما كنتش مسلح غنعيش في الامان ؟
م.س.ل.م AKA م.ت.م.ر.د
انا لا مع هادو و لا مع هادوك و لا مع لاخرين
انا مع راسي، شكون لي باغي يكون معايا؟
مرحبا في التمرد
دراري ديالي كاملين... القشله، الزنقه فلو.جيب العز و لا كحز
