زندہ رہے زندہ رہے زندہ رہے
اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے
جب عزاخانہ سجے تو دل بنے فرشِ عزائ
ڈھڑکنوں میں ماتمِ شاہِ زمن زندہ رہے
اے عزادارِ حسینی ۔۔۔
نوحہ خواں ماتم کے سائے میں سفر کرتے رہیں
ہر بیاضِ غم کُھلے ہر انجمن زندہ رے
اے عزادارِ حسینی ۔۔۔
روزِعاشورا جلوسِ غم کو کیا راحت سے کام
یاد میں پیاسے اسیروں کی تھکن زندہ رہے
اے عزادارِ حسینی ۔۔۔
اے عزاداروں چلو مشک و علم کے سائے میں
یہ تجمّل یہ حشم یہ باک پن زندہ رہے
اے عزادارِ حسینی ۔۔۔
جس جگہ تھی موت آساں زندگی دشوار تھی
ہاں وہاں زہرا کے سارے گل بدن زندہ رہے
اے عزادارِ حسینی ۔۔۔
سب عزاخانے ہمارے سب ہی اپنی مجلسیں
اے دُعائے سیدہ یہ اپنا پن زندہ رہے
اے عزادارِ حسینی ۔۔۔
چھوٹے چھوٹے سے علم بچوں کے ہاتھوں میں رہیں
دل میں تابوتِ سکینہ کی چبھن زندہ رہے
اے عزادارِ حسینی ۔۔۔
کر رہے ہیں یہ دُعا زرِعلم سرورہلال
اے خدا یہ غم بہ فیضِ پنجتن زندہ رہے
اے عزادارِ حسینی ۔۔۔
