jitz isch die fritignacht e schruubschtock
& dr mond isch wieder es loch
I bi no nie so wyt äwäg gsi vo deheim
I rede nume no, wüu I nümme z säge ha
I gseh froue wo mi gluschte
& die gseh au glych uus wie du
säg, isch würklech aues gseit?
git's kes gheimnis meh zwüsche dir & mir?
git's kes ross meh, wo me zäme schtähle chönnt?
I halte's zwar nid uus bi dir & glych
halt I's niene besser uus
säg, blybt üs würklech numen es
"läb wohl, das wär's de gsi & es isch wie's isch?
