لا تمنن بالمشاعر وانت مالك عندي منه
وش عطيت اكثر من اللي لك من الخافق عطيته
ما عطيت الا كلام قلت لك مستغني عنه
كيف ارده لك وانا اصلا رفضت وما خذيته
انت يمكن صدق صادق بس صدقك ما كأنه
انت ياللي ما تشابه حرف واحد لا حكيته
مو مهم اللي تقوله قد وش بتسوي منه
مو مهم اللي تسوي قد هل فعلا نويته
لا تمنن بالمشاعر وانت مالك عندي منه
وش عطيت اكثر من اللي لك من الخافق عطيته
كل خيراً جاك مني لا تظنه جاك لانه
يحتري ردك قسم بالله ما عمري احتريته
جعل عمرك ما ترده بس احس قدر انه
جاك من طيبي وحتى الشكر منك ما رجيته
يا حسافة بس قلبي هذا تالي حسن ظنه
بعد كل اللي زرعته هذا كل اللي جنيته
ما هي منه والا تدري ماهي ليه منه
عطني كل اللي خذيت خذ ولا شي اللي عطيته
لا تمنن بالمشاعر وانت مالك عندي منه
وش عطيت اكثر من اللي لك من الخافق عطيته
