(محمد عبده):
قدر شعور اللي يحبك من الناس
وخلك كريم وخل للنفس قيمة
(رابح صقر):
وإحشم مقام اللي يحطك على الراس
تراه ما يستاهل إلا الحشيمه
صف الشعور وخل في قلبك إحساس
وإيمان وإحسان وطموح وعزيمه
(محمد عبده):
الناس ما ترزق على قوة الباس
ما ترزق إلا للنوايا السليمة
(محمد عبده):
إن شفتهم واجد ومن حولك أجناس
ترى السلامه من بعضهم غنيمه
(رابح صقر):
أعز من بعض الرجا قطعة الياس
الله . ولا ذل النفوس الكريمه
(محمد عبده):
من قايس أموره على غير مقياس
ترى مصيره للفشل والهزيمه
(رابح صقر):
ومن صر قلبه مثل ما صر الأكياس
حقه إذا ما نستره ما نظيمه
(محمد عبده):
الهقوه أكبر في بعيدين الأرماس
اللي على روس المعالي مقيمه
(رابح صقر):
والعز وقفه والمواقف على ساس
والراي من راي الرجال الحكيمه
(محمد عبده):
السيف من غمده قبل دق الأجراس
سله بقوه . يا قوي العزيمه
(رابح صقر):
واضرب على الكايد لاصرت محتاس
إتبع . علوم الطيبين القديمه
