خلاص من حبكم يازين عزلنا
معاد لي في هواكم شف او راده
واللي شبكنا معك يا حلو يخلصنا
يكفيني اللي حصل ما استحمل زياده
آآه ويلاه . آآه ويلاه .
اظن في حبكم محد ٍ بغاصبنا
واظن منت بعد في حلقي قلاده
دور على غيرنا وبلاش تتعبنا
من يطلب البعد حنا نطلب بعاده
آآه ويلاه . آآه ويلاه .
اول رغبناك يمك كنت راغبنا
في شرع الاجواد كل يتبع مراده
ايام كنا غشم ياما تكلفنا
ندور رضاك مهما كلف بعاده
آآه ويلاه . آآه ويلاه .
حقك علينا اذا شفناك سلمنا
سلام طرقية ٍ بالسوق نشاده
في ماضي الحب حنا ماتقاسمنا
ياظالم القلب طبع الظلم لك عاده
آآه ويلاه . آآه ويلاه .
واليوم ابشرك يا سيدي تعلمنا
بدلنا نوم الحزن بفراش ووساده
الله يوفقك وحنا الله يوفقنا
الناس واجد وكم للحب طراده
آآه ويلاه . آآه ويلاه .
