Umdat d'r nog verhale
hoeg in de wolke stoan
we nog dinge motte hale
mar t mieste is gedoan
de boetelamp an 't plafon
blieft hange woar ze hing
de taffel woar ze altied stong
ik drei meej um en zing
boete dat wuurd binne
als ik 't zeil nar onder rol
straks giet 't beginne
dan stroemt de tent heer vol
ik stap oaver de drempel
loep in 'n ander licht
't terras wuurd mienne tempel
consumptie is verplicht
de bank heer in de kamer makt zich bried
kom mar lekker heer en blief vanaf vandaag
vanoavend vur altied, val mar lekker neer
op 't witte klied, en schrief vanaf vandaag
vanoavend vur altied
op drie verkante meater
schrief ik wat ik wil
soms lukt 't wat beater
vurleupig is 't stil
ik slaak enne deepe zucht
en droem wat um meej hin
ik kiek nar boave in de lucht
en zij mien ierste zin
de bank heer in de kamer makt zich bried
kom mar lekker heer en blief vanaf vandaag
vanoavend vur altied, val mar lekker neer
op 't witte klied, en schrief vanaf vandaag
vanoavend vur altied
en ik denk, an lange rijje minse vur de deur
en ik goei nog wat extra koale op 't veur
en mien hart giet sneller kloppe
't ritme van de melodie
vurzichtig drei ik an de knoppe
umhoeg nar iets mier fantasie
't is te laat um nou te stoppe
ik drink 'n birke en wear blie
de bank heer in de kamer makt zich bried
kom mar lekker heer en blief vanaf vandaag
vanoavend vur altied, val mar lekker neer
op 't witte klied en schrief vanaf vandaag
vanoavend vur altied, gat zitte en probeer
straks dan is 't raak, ik wet zeker dat 't giet
de wurd die valle neer als de reagen op 't daak
op 't witte klied en zinge weej vanaf vandaag
vanoavend vur altied
