大力交波啦喂 全場靠我地
直射遠柱啦喂 非洲老死
技術稍稍過期 仍然愛獻技
爛地企滿鄉里 開波踢走悶氣
前鋒 天天搬貨八公噸 賺錢返老家喀麥隆
迷失 摩天都市紅綠路燈 放工先知老家地震
摰愛鄉親願可一一脫身
落力封波啦喂 無人理我地
大力掃腳啦喂 非洲老死
爛木屋晌隔離 球場租不起
盡力去當嬉戲 輸波欠些運氣
防中 出生加納某海邊 現專收手機與電池
新聞中千個流淚面孔 戰爭飢荒老家在痛
混在他鄉日子好比過冬
合力包抄啦喂 完場幾比幾
大力踢上啦喂 非洲老死
戶籍很多過期 日夜匿屋企
但是也要透氣 爭相看這大戲
街邊的幾個老叔叔 豎起手指紛紛稱讚
一輪咀呼喊杜奧巴 黝黑膚色太相像嘛
大大非洲認識只一個嗎
大熱天甩哂皮 如常收手機
後日轉冷天氣 管他凍死
十面家鄉國旗 龍門邊吹起
願望每個鄉里 今天掃走悶氣
願望每個鄉里 今天覺得完美
