Kem ier nog ne foto van een tedje geleje
getrokken in de keuke be ons boma beneje,
‘s morgen gemokt oep mijne 5de verjaardag
helemaal ont flippe oept kado dat al lank klaar lag
ni goe bewust van oe de wereld in mekaar zat
buite spelen, kampen bouwen, zondags nor het zwembad
’t eten alted kleir as tiktak int begin was
da wast enige wor da kik as kind al over in zat
t veloke gon rijen, joenges oepvrijen
’t leven zoe schoon, alle dage buzze lak de bijen
de wereld was ni groter az de wijk wor dak kik cruizde
den afwas al is doen, de poes die ligt te soeze
zoe fier dagge waart, ge waart er toch al 9!
de wereld awen oester, das oe daggij da beleefde
honger onbekend, en oe konde gij na wete
dad oep een ander kindjes al is vochten vur wad eten
lacht nor mij en ik lag terug nor A, paradijs oep aarde: besefte na
nieveranst ni beter, zedde gij me mij? De wereld gon genezen, alle kindjes blij!
lacht nor mij en ik lag terug nor A, paradijs oep aarde: besefte na
allemol te samen oep de eerst rij, dien betere wereld begint echt be A!
Mor oep nen schonen dag valle de pelle van aw ogen
gedaan me schone schijn, de kleur van regenbogen
nen deuk in a vertouwen en het goeie van de menshad
ne foto van een kindje zonder mama in een bloedbad
dad iz ni just, da kan kik ni toestaan!
twelf jaar, ne rebel, dad onrecht trekt oewaan
dor gon wij iet on doen, dor gon wij tegen in gaan
vechten vur de rechten van het kind, een beter bestaan
veur dagget wet is a jeugd weggevlogen
gedaan me awe strijdlust, gedaan me gon betogen
een eigen huis, een eigen zwembad
’t leven zit mee, ist ni tijd dag is iet trug gaf
Dus lacht nor mij en ik lag terug nor A, paradijs oep aarde: besefte na
tis nieveranst ni beter, zedde gij me mij? De wereld gon genezen, alle kindjes blij!
Dus lacht nor mij en ik lag terug nor A, paradijs oep aarde: besefte na
allemol te samen oep de eerst rij, nen betere wereld begint echt be A!
Eh yo mense,, ik zen ollen ier ni ont dissen eh,
kzen gewoon mijn geheugen ont opfrissen
