Am Afang ds Orcheschter
Am Schluss är alei
U d`Sprüch, die vo geschter
Aber hüt wott är hei
U jetz no ne Zuegab
Är lächlet. är winkt
Zieht ds Lybli u d`Show ab
Är schwitzt, glänzt u stinkt
När steit är ir Lääri
U d`Liechter göh us
Im Ranze e Schwäri
Im Härz in der Blues
Är isch e Star
Är isch so bsunder
Bsunderbar
Är isch e Rose
Wo hie blüeit
Är isch e Stärn
Wo lüchtet, glüeit
Är isch e Mönsch
Wie du und i
Är singt sis Lied
U geit verbi
Ar Bar chli verhange
E Whisky im Sta
Okay, si mir gange
Isch ds Taxi scho da ?
Chumm, schnäll no eis kiffe
Du, ds Taxi ! Ga z`Fuess
Gsehsch nid, s`chunnt cho schiffe
Tschou Giele ! E Gruess
När louft är dür d`Lääri
U steit vor ihrem Huus
Im Ranze e Schwääri
Im Härz in der Blues
Är isch e Star
Är isch so bsunder
Bsunderbar
Är isch e Rose
Wo hie blüeit
Är isch e Stärn
Wo lüchtet, glüeit
Är isch e Mönsch
Wie du und i
Är singt sis Lied
U geit verbi
Ds Ching schlaft hing im Zimmer
D'Frou ligt no im Bad
Im Chaschte es Gflimmer
Ir Schüssle Salat
Är hänkt siner Socke
A Ofe, wärmt Znacht
Und isst Suure Mocke
Wo d'Muetter het bracht
När sitzt är ir Lääri
U d'Liechter gö us
Im Ranze e Schwääri
Im Härz in der Blues
Är isch e Star
Är isch so bsunder
Bsunderbar
Är isch e Rose
Wo hie blüeit
Är isch e Stärn
Wo lüchtet, glüeit
Är isch e Mönsch
Wie du und i
Är singt sis Lied
U geit verbi
