هل في وقت نحس ببعض ؟
زي زمان ونطمن بعض ؟
هل في وقت نقدر نحلم بالحرية والحنية والنية الصافية المنسية
ونطبب بايدينا على بعض
هل في وقت نضم عيالنا ونغنيلهم غنوة اخرص يجري ما بنا
ويعرينا وينسينا حروف اسامينا
ويسكتنا ويضحكنا على وكستنا
وليه م الغل نعض في بعض
هل في وقت ؟ نفكر لحظة في اللى جرالنا
وليه الماضي بيمسك ديل جلابية الحاضر والمستقبل
ويمرمغهم ليه في الارض
هل في وقت ؟ هنبلع ريقنا ونجدل حبل طويل يخنقنا ويجمعنا الموت مع بعض
هل في وقت قبل نهاية الجنس البشري نقدر تاني نحب في بعض
هل في وقت نقدر نحلم بالحرية والحنية والنية الصافية المنسية
ونطبب بايدينا على بعض
... Ahmed.Hawill
