كلمات: أحمد شتا
الْكِلْمَة الْحِلْوَة ما بِينْ اتْنِينْ . بِتْهَوّنْ ياما عَلَى الْعاشِقِينْ
الْكِلْمَة الطّيّبَة . مِـ الْقَلْبِ قْرَيّبَة
بِتْكُونْ أجْمَلْ هِدِيّة . لِقْلُوبْ مِتْعَذّبَة
وبْحَقّ الْعِشْرَة يا دُوبْ بَسْمَة . بِتْصالِحْ قَلْبِينْ مِتْخاصْمِينْ
الْكِلْمَة الْحِلْوَة اللّي تْهَوّنْ . وتْطَمّنْ قَلْبِي اللّي مْخَوّنْ
يا حَبِيبِي بَحِبّكْ إجْمِنّكْ . فِي الدّنْيا ما فِيشْ أطْيَبْ مِنّكْ
ولا حـ بْعُدْ يُومْ أبَداً عَنّكْ . ولا تِبْعِدْ ثانْيَة فـ يُومْ عَنْ عِينِي
أنا قَلْبِي عُمْرُو ما يِتْحَوّلْ . مُشْتاقْ فِي الْآخِرْ والْأوّلْ
يا حَياتِي بَحِبّكْ مِنْ امْتَى . وما لِيشْ فِي الْعالَمْ غِيرَكْ إنْتَ
لِيهْ تِزْعَلْ وأزْعَلْ مِنْ غَلْطَة . واحْنا اللّي ما فِيشْ فِي هَوانا اتْنِينْ
