كلمات: إلياس ناصر
حَنِينَكْ حَنِينِي . أنِينَكْ أنِينِي
وعْيُونَكْ عِينَيّ . وإحْساسِي مَعَكْ
بِرْمُوشِي غَطّيْتَكْ . وبْقَلْبِي خَبّيْتَكْ
وعْطَيْتَكْ إيدَيّ . ونْسِيتُنْ مَعَكْ
طِلِعِ الْهَوَى يا حَبِيبِي . شُو تْمَنّيْتْ بْوَقْتا نِبْقَى سَوا
يا حَبِيبِي شُو حَبّيْتْ تْحِنْ . ويِجْمَعْنا الْهَوَى
يا حَبِيبِي . أنا قَلْبِي نْكَوَى
لا تِشْتِكِي . عَلَى بالِي لَوْ بِتْضَلْ قْبالِي تـ نْعِيشْ بْهَنا
ولْحالِي شُو بِتْمَنّى تْكُونْ . ولْحالَكْ أنا
يا حَياتِي . شُو بْحِبّكْ أنا
نَدَيْتَكْ لَقِينِي . حَدّكْ بِتْلاقِينِي
بَعْيُونَكْ رِسالِة . لْنِجْماتْ الْفَلَكْ
أفْكارَكْ عـ بالِي . وجْنُونَكْ حَلالِي
والْبَحّة بْمَوّالِي . عَمْ تِهْمُسْ إلَكْ
