شد الحزام على وسطك غيره ما يفيدك
لابد عن يوم برضه ويعدلها سيدك
أن كان شيل الحمول على ضهرك بيكيدك
أهون عليك يا حر من مدة ايدك
ما تيلا بينا انت وياه
ونستعان عالشقى بالله
واهو اللي في القسمة نلقاه
واللي ميجيش انشالله ما جاه
مدام بتلقى عيش وغموس
يهمك ايه تفضل موحوس
ما تحط راسك بين الروس
لا تقولي لا خيار ولا فؤوس
هقولك ايه وإعداد لك ايه كله له آخر
دي خبطة جامدة وجات على عينك ياتاجر
يا وكستك دلوقتي لا وارد ولا صادر
يحلها ألفين حلال ربك قادر
قولي في عرض النبي يا حسين
رايحين نلاقيها منين ومنين
والقرش متجوز اتنين
يادنيا غوري جاتك البين
شوفوا البخيل يفضل منحوس
ولو علقه على بابه فانوس
فلوس دي ايه اسكت يا جاموس
ديا السعادة في غنا النفوس
"مذهب"
قرب شايلني شيل
عمر الشدة ما تطول
قرب شايلني شيل
بكرة نهيص زي الأول
لا تقولي كتير وقليل
بكرة نهيص زي الأول
لا تقولي كتير وقليل
عمر الشدة ما تطول
هيلا هيلا هيلا
هيلا هيلا هيلا ليصة
