كل ده كان ليه
لما شفت عينيه
حن قلبي إليه وانشغلت عليه
كل ده كان ليه
قال لي كام كلمة
يشبهوا النسمة في ليالي الصيف
سابني وف قلبي شوق بيلعب بي
وف خيالي طيف
غاب عني بقى له يومين
ما اعرفش وحشني ليه
إحترت أشوفه فين
وان شفته حاقوله إيه
كل ده كان ليه
اللي حيرني واللي غيرني
واللي فاتني ف حال
نام وسهرني
والا فاكرني
والا مش ع البال
صبحني ف هم وويل
من طول ما بفكر فيه
نساني أنام الليل
خلاني أبات أناجيه
كل ده كان ليه
ليه بيحرمني من سؤال عني
وافضل استناه
لو يكلمني كان يطمني ع اللي بتمناه
يا شاغلني ليل ونهار
بغرام ما اقدرش اداريه
شوف قلبي وشوف النار ا
للي انت قايدها فيه
كل ده كان ليه
